UEFA Chempionlar ligasi doirasidagi "Galatasaroy"ga qarshi o‘yinda (3:2) "Yuventus" himoyachisi Lloyd Kellining maydondan chetlatilishi sababini asoslab berdi.
O‘yinning 49-daqiqasida Kelli havodagi to‘p uchun kurashda muvozanatini yo‘qotib, yarim himoyachi Barish Yilmazning oyog‘ining orqa qismini butsasining tishlari bilan bosib oldi.
Hakam Joau Pedru Pinyeyru dastlab ingliz futbolchisiga ikkinchi sariq kartochkani ko‘rsatib, uni maydondan chiqarib yuborgan edi. Biroq VAR hakami Pinyeyruni takroriy lavhani ko‘rishga taklif qildi va shundan so‘ng portugaliyalik hakam Kelliga to‘g‘ridan-to‘g‘ri qizil kartochka ko‘rsatdi.
"Yuventus"ning 6-raqamli o‘yinchisi butsa tishlaridan foydalangan holda raqibning chap to‘piq qismiga kuchli va sportga zid bo‘lgan zarba berdi, bu esa raqib xavfsizligiga ochiqchasiga tahdid soldi", — deyiladi UEFA rasmiy saytida e’lon qilingan xabarda.
