Мадриднинг "Реал" клуби келаётган ёзда ярим ҳимоя чизиғини кучайтиришни режалаштираётгани ҳақида гап-сўзлар юрибди. Матбуот анчадан бери Мадрид клубини "Челси" аъзоси Энцо Фернандес билан боғламоқда.
The Touchline нашрининг хабар беришича, "Реал" Фернандес учун бор имкониятини ишга солишга тайёр, бироқ футболчининг яқинлашиб келаётган Жаҳон чемпионатида қандай иштирок этиши ҳал қилувчи синов бўлади.
"Реал", шунингдек, "ПСЖ" футболчиси Витиньяга ҳам жиддий қизиқиш билдирмоқда. Шу билан бирга, Мадрид клуби парижликлар билан муносабатлар ёмонлиги сабабли португалиялик футболчининг трансферини амалга ошиш эҳтимоли паст деб ҳисобламоқда.
25 ёшли Энцо Фернандес нуфузли Transfermarkt портали мутахассислари томонидан 85 миллион еврога баҳоланмоқда. Ўйинчининг "Челси" билан шартномаси 2032 йилнинг ўрталаригача амал қилади. Ўтган Жаҳон чемпионатида Фернандес турнирнинг энг яхши ёш ўйинчиси деб топилган эди.
