27 март куни Европа чемпиони ва Америка Кубоги соҳиби — Испания ҳамда Аргентина терма жамоалари ўртасида соврин учун баҳс бўлиб ўтиши керак эди. The Touchline нашрининг хабар беришича, Финалиссима баҳси хавф остида қолди.
Гап шундаки, минтақадаги ҳарбий ҳаракатлар фонида Қатарда кейинги огоҳлантиришгача барча футбол турнирлари ва ўйинлари тўхтатилди. Айнан Қатарда Аргентина ва Испания терма жамоалари ушбу совринни ўзаро ўйнаши керак эди.
Эслатиб ўтамиз, аввалроқ АҚШ Эронга қарши ҳарбий операция бошлаган эди. Эрон терма жамоасининг жаҳон чемпионатида иштирок этишдан воз кечиш эҳтимоли мавжуд. Келаётган ёзда ўтказиладиган турнирга АҚШ, Канада ва Мексика мезбонлик қилиши белгиланган.













