"Наполи" "Ювентус" билан ҳужумчи Алессандро Матри трансфери борасида 12 миллион евролик келишувга эришди, дея хабар тарқатган Ansa.it.
Энди неаполликлар ўйинчининг агенти Туллио Тинти билан шахсий шартнома юзасидан музокара олиб борадилар. Маълумотларга қараганда, келишув 5 йилга мўлжалланиб, 28 ёшли ҳужумчининг маоши йилига уч миллион еврони ташкил этади.
Қайд этиш жоиз, ўтган мавсум Италия чемпионати ва Европа чемпионлар лигасида 32 ўйинда майдонга тушган Матри 10та гол ва 2та самарали тўп узатишнинг муаллифи бўлганди.
