Яқинда МЛСнинг амалдаги чемпиони — «Интер Майами» клуби делегацияси Оқ уйга ташриф буюрди. Жамоа футболчилари АҚШ президенти Дональд Трамп билан учрашдилар. Тадбирда «Олтин тўп»нинг саккиз карра соҳиби ва жаҳон чемпиони Лионель Месси ҳам иштирок этди.
«Қабул учун Оқ уйга миннатдорчилик билдирамиз. Ғалабамизни алоҳида қайд этганингиз учун ташаккур», — дейилади Флорида клуби матбуот хизмати тарқатган хабарда.
38 ёшли Месси «Интер Майами» сафига 2023 йилнинг ёзида келиб қўшилган эди. Томонлар ўртасидаги амалдаги меҳнат шартномаси 2028 йил декабрь ойи охирида якунига этади. Аргентиналик ҳужумчининг трансфер қиймати 15 миллион еврога баҳоланмоқда.
