«Манчестер Юнайтед»нинг ҳужумкор ярим ҳимоячиси Мэйсон Маунт, тарқалган миш-мишларга қарамай, клубини ўзгартиришни режалаштирмаяпти. Бу ҳақда Football Insider нашри маълумот бермоқда.

Манбанинг хабарига кўра, Маунт шу ёзда «Манчестер Юнайтед»дан кетишга ҳаракат қилмоқчи эмас, чунки у жорий мавсумда ўзини анча ишончли ҳис қилмоқда. Маунтнинг жароҳатлар билан боғлиқ муаммолари барчага маълум, бироқ ушбу мавсумда у ўтган йиллардагига қараганда анча кам ўйинни ўтказиб юборди.

Жорий мавсумда 27 ёшли ярим ҳимоячи барча турнирларни ҳисобга олган ҳолда 19 та ўйинда иштирок этди, 3 та гол урди ва битта голли узатмани амалга оширди.

Маунтнинг «Манчестер Юнайтед» билан амалдаги шартномаси 2028 йилнинг ўрталарига қадар мўлжалланган. Transfermarkt экспертлари хавбекнинг бозор қийматини 32 миллион еврога баҳолашмоқда.