«Ливерпуль» клуби «Ноттингем Форест» марказий ҳимоячиси Мурилло учун асосий даъвогарлардан бири бўлиб турибди.
«Қизиллар» аллақачон 23 ёшли футболчи бўйича расмий таклиф тайёрлашмоқда. Бу ҳақда TEAMtalk нашрига таянган ҳолда Transfer News Live хабар бермоқда. «Ўрмончилар» бразилиялик футболчининг сотувидан салмоқли маблағ — тахминан 70 миллион фунт стерлинг (80 миллион евродан ортиқ) ишлаб олмоқчи.
Муриллога бўлган қизиқиш аввалроқ «Манчестер Юнайтед», «Челси» ва Англия Премьер-лигасининг бошқа грандлари томонидан ҳам билдирилган эди. Transfermarkt портали футболчининг қийматини 55 миллион еврога баҳоламоқда, марказий ҳимоячининг «Ноттингем Форест» билан шартномаси 2029 йилгача мўлжалланган.
