As нашрининг хабар беришича, «Реал» Emirates авиакомпанияси билан ҳамкорлик шартномасини 2031 йилга қадар узайтиришга яқин турибди.
Мадрид клуби БАА авиакомпанияси билан 2013 йилдан бери ҳамкорлик қилиб келмоқда. Ўша вақтдан буён ҳомий логотипи «Реал» либосларининг олд қисмидан жой олган. Бундан ташқари, ҳозирда HP технологик компанияси ва Adidas билан ҳам келишувларни узайтириш бўйича музокаралар олиб борилмоқда.
Манбанинг таъкидлашича, «Реал»нинг мақсади ўйин формасидаги рекламалардан йилига тахминан 300 миллион евро даромад олишдан иборат. Бу базавий сумма бўлиб, жамоанинг спортдаги муваффақиятларига қараб янада ошиши мумкин.
Ҳозирги вақтда «Реал» либосидаги ҳомийлардан тушадиган умумий даромад 260 миллион еврони ташкил этади. Таққослаш учун, «Манчестер Юнайтед»да бу кўрсаткич тахминан 200 миллион, «Барселона»да эса 183 миллион еврога тенг.
