Мадриднинг «Реал» клуби бош мураббийи Альваро Арбелоа Чемпионлар лигаси 1/8 финали доирасидаги «Манчестер Сити»га қарши қарама-қаршиликда фаворит кимлигини айтмади.
У ўз жамоаси ҳеч қачон ўзини ҳар қандай рақибдан паст деб ҳисобламаслиги кераклигини таъкидлади.
«Манчестер Сити» нақадар кучли эканини, уларнинг мураббийи ва футболчиларини яхши биламиз, лекин биз уларнинг кўзларига тик боқамиз», — деди мутахассис ўйин олдидан ўтказилган матбуот анжуманида.
Арбелоа бўлажак ўйинлар у учун «қаймоқранглилар» устози сифатида катта тажриба бўлишини тан олди.
Дастлабки учрашув 11 март куни Мадриддаги «Сантьяго Бернабеу» стадионида бўлиб ўтади, жавоб баҳси эса 17 март куни Манчестерда ўтказилади.
