Madridning «Real» klubi bosh murabbiyi Alvaro Arbeloa Chempionlar ligasi 1/8 finali doirasidagi «Manchester Siti»ga qarshi qarama-qarshilikda favorit kimligini aytmadi.

U o‘z jamoasi hech qachon o‘zini har qanday raqibdan past deb hisoblamasligi kerakligini ta’kidladi.

«Manchester Siti» naqadar kuchli ekanini, ularning murabbiyi va futbolchilarini yaxshi bilamiz, lekin biz ularning ko‘zlariga tik boqamiz», — dedi mutaxassis o‘yin oldidan o‘tkazilgan matbuot anjumanida.

Arbeloa bo‘lajak o‘yinlar u uchun «qaymoqranglilar» ustozi sifatida katta tajriba bo‘lishini tan oldi.

Dastlabki uchrashuv 11 mart kuni Madriddagi «Santyago Bernabeu» stadionida bo‘lib o‘tadi, javob bahsi esa 17 mart kuni Manchesterda o‘tkaziladi.