Леверкузеннинг «Байер» клуби бош мураббийи Каспер Юльманн Лондоннинг «Арсенал» жамоасига қарши кечган ўйин (1:1) ҳақидаги таассуротлари билан ўртоқлашди.

«Доришунослар» Чемпионлар Лигаси 1/8 финалининг дастлабки баҳсида ғалабага жуда яқин эдилар, бироқ 89-дақиқада гол ўтказиб юборишди — Кай Хаверц пенальтидан унумли фойдаланди. Мезбонлар сафида 46-дақиқада Роберт Андрих гол муаллифига айланган эди.

«Ҳиссиётларим аралаш. Биз яхши ўйнадик, «Арсенал» кўп ҳам хавфли вазиятлар ярата олгани йўқ. Топ-даражадаги рақибга қарши ажойиб ўйин кўрсатдик. Албатта, якунда шунчаки дуранг қайд этилгани жуда аламли. Олдинда Лондондаги ўйин кутиб турибди, у ерда «Арсенал»га жуда катта босим бўлади. Биз жавоб учрашувини интиқлик билан кутяпмиз ва ғалаба қозонишни истаймиз», – деди Юльманн УЕФА билан суҳбатда.

«Эмирейтс»даги учрашув 17 март куни бўлиб ўтади.