Эрлинг Холанд «Реал»га қарши кечган баҳсда ҳужум ҳаракатларида муваффақият қозона олмади. Чемпионлар лигаси 1/8 финалининг илк учрашувида «Манчестер Сити» мадридликларга 0:3 ҳисобида имкониятни бой берди.
Норвегиялик ҳужумчи майдонда 82 дақиқа ҳаракат қилди, шундан сўнг унинг ўрнига Омар Мармуш тушди. Холанд рақиб дарвозасига бирорта ҳам зарба йўлламади ва ўйин давомида жами 10 марта тўпга тегди.
Унинг ҳисобида 7 та узатма мавжуд бўлиб, улардан фақат 3 таси аниқ чиқди, хавфли узатмалар эса умуман қайд этилмади. Шунингдек, Эрлинг 48-дақиқада бурчак тўпи вақтида «қаймоқранглилар» дарвозабони Тибо Куртуани тўсиб қолгани учун фолга сабабчи бўлди.
