"Тоттенхэм" бош мураббийи Игор Тудор Чемпионлар Лигаси 1/8 финали жавоб учрашувида "шпорлар"нинг Мадриднинг "Атлетико"сига қарши камбэк қилиш имкониятларини баҳолади. 10 март куни "матрасчилар"нинг уй стадионида бўлиб ўтган дастлабки баҳс "Атлетико"нинг 5:2 ҳисобидаги ғалабаси билан якунланган эди.
"Бу қийин, лекин имконсиз эмас. Биз имкон қадар узоқроқ ўйинда қолишимиз керак. Шунинг учун буни уддалай олишимизга ишонинг. Ишонч — энг бошиданоқ энг муҳим жиҳатдир", — дея Тудорнинг сўзларини келтиради инсайдер Фабрицио Романо.
Эслатиб ўтамиз, "Тоттенхэм" ва "Атлетико" ўртасидаги жавоб учрашуви эртага, 18 март куни бўлиб ўтади.
