«Айнтрахт» клубининг чап қанот ҳимоячиси Натаниэль Браун фаолиятини Англия Премьер-лигасида давом эттириши мумкин.
CaughtOffside нашри берган маълумотларга кўра, 22 ёшли футболчининг трансферига «Манчестер Юнайтед» қизиқиш билдирмоқда. «Қизил иблислар» шу ёзда футболчининг трансфери бўйича таклиф беришга тайёр. Бироқ, германиялик футболчини қўлга киритиш учун «МЮ» тахминан 70 миллион евро тўлашига тўғри келади.
Натаниэль Браун 2024 йилда «Нюрнберг»дан «Айнтрахт»га 3 миллион евро эвазига ўтган эди. Унинг клуб билан шартномаси 2030 йилнинг 30 июнига қадар мўлжалланган. Жорий мавсумда ҳимоячи барча турнирларда 34 та ўйинда майдонга тушиб, 3 та гол урди ва 6 та голли узатмани амалга оширди. Transfermarkt портали Брауннинг бозор қийматини 35 миллион еврога баҳоламоқда.
