«Ливерпуль» ҳужумчиси Муҳаммад Салоҳ Чемпионлар лигаси 1/8 финали доирасида «Галатасарой»га қарши кечган жавоб учрашувида (4:0) гол урди. 33 ёшли мисрлик футболчи учун ушбу гол фаолияти давомида турнирдаги 50-си бўлди.
У мазкур довонни забт этган илк африкалик футболчига айланди. Чемпионлар лигасида 50 та гол уриш учун унга 97 та ўйин керак бўлди.
Дастлабки баҳсда «Галатасарой» 1:0 ҳисобида ғалаба қозонган эди. Шу тариқа, икки ўйин натижасига кўра «Ливерпуль» Чемпионлар лигасининг чорак финалига йўл олди ва у ерда «ПСЖ» билан тўқнашадиган бўлди.
