«Интер Майами» КОНКАКАФ Чемпионлар кубоги 1/8 финалининг жавоб учрашувида «Нэшвилл» билан 1:1 ҳисобида дуранг ўйнади.
Ўйиннинг 7-дақиқасида Лионель Месси ҳисобни очди — ушбу гол унинг фаолиятидаги 900-си бўлди. Бироқ, 74-дақиқада Кристиан Эспиноса ҳисобни тенглаштиришга муваффақ бўлди.
Дастлабки учрашувда жамоалар 0:0 ҳисобида дуранг қайд этишган эди. Шу сабабли, сафардаги гол қоидаси эвазига «Нэшвилл» турнирнинг чорак финалига йўл олди.
Эслатиб ўтамиз, ўтган мавсумда Хавьер Маскерано шогирдлари мусобақанинг ярим финалигача етиб боришган ва икки ўйин натижасига кўра «Ванкувер»га 1:5 (0:2, 1:3) ҳисобида имкониятни бой беришган эди.













