«Ливерпуль» ярим ҳимоячиси Доминик Собослаи Чемпионлар лигаси 1/8 финали доирасида «Галатасарой» устидан қозонилган ғалабадан сўнг (4:0, умумий ҳисоб – 4:1) чорак финалдаги рақиб — «ПСЖ» ҳақида ўз фикрларини билдирди.
«Биринчи навбатда, биз «Брайтон»га қарши бўлажак кейинги ўйинда ҳам «Галатасарой» билан баҳсдагидек ўйин намойиш этишимиз керак.
Мен «ПСЖ»нинг «Челси»га қарши ўйинини томоша қилдим. Бу жуда кучли жамоа, лекин биз ҳар қандай рақиб билан кураша олишимизни кўрсатиб қўйдик.
Биз ҳар бир учрашувда бир хил даражада ўйнашимиз лозим. Тушунаман, Чемпионлар лигасининг ўзгача гашти бор, аммо «Брайтон»га қарши баҳсда ҳам бизга айнан шундай энергия керак бўлади», — деди Доминик Собослаи.
