«Борнмут» бош мураббийи Андони Ираола ўз ватанига қайтиши мумкин. Журналист Бен Жейкобснинг хабар беришича, 43 ёшли мутахассис мавсум якунида Эрнесто Вальверде бўшатадиган «Атлетик» Бильбао бошқаруви учун асосий номзодлардан бири ҳисобланади. Ираоланинг «олчалар» билан амалдаги шартномаси келаётган ёзда ниҳоясига етади.
Кутилишича, Андони Ираола ўз келажаги борасидаги қарорини «Борнмут» раҳбариятига терма жамоалар танаффуси якунлангунига қадар маълум қилади. «Атлетик»даги лавозим испаниялик мураббийни ўзига жалб этмоқда — у футболчилик фаолиятининг катта қисмини айнан ушбу Баск клубида ўтказган.
