«Ливерпуль» устози Арне Слот «Брайтон»дан учралган мағлубиятдан (1:2) сўнг ҳужумчи Уго Экитикенинг жароҳатига изоҳ берди. Эслатиб ўтамиз, франциялик футболчи учрашувнинг илк дақиқаларидаёқ алмаштирилишга мажбур бўлган эди.
«Экитикенинг жароҳати? Футболчилар ва мухлислар Чемпионлар лигасига йўлланма олишга ҳаракат қилиш учун атиги саккизта ўйин қолганини тушуниб туришибди. Футболчи ўтказиб юборадиган ҳар бир ўйин — хафа бўлиш учун сабаб. Экитике майдонни тарк этди ва жамоага ёрдам бера олмади. У уч ойга сафдан чиқди дегани эмас, лекин жароҳати уни алмаштириш учун етарлича жиддий эди. Бу ҳам у учун, ҳам биз учун катта зарба», — деди Слот TNT Sports телеканалига.
«Ливерпуль» навбатдаги учрашувини 4 апрель куни Англия Кубоги доирасида «Манчестер Сити»га қарши ўтказади.
