Мадриднинг «Атлетико» клуби ҳужумчиси Хулиан Альварес, турли миш-мишларга қарамай, жамоани тарк этиш иштиёқида эмас.

26 ёшли футболчининг номи мунтазам равишда «Барселона»га ўтиш билан боғланмоқда, бироқ каталонияликлар учун «матрасчилар» юлдузини ўз томонига оғдириб олиш жуда қийин кечадиган кўринади. Transfer News Live нашрининг Sportга таяниб хабар беришича, Альварес «Атлетико»да бахтли ва ҳеч қаерга кетишни режалаштирмаяпти. Ҳужумчи Диего Симеоне лойиҳасига содиқ қолмоқчи.

Transfermarkt портали талқинига кўра, Хулиан Альвареснинг нархи 90 миллион еврони ташкил этади. Жорий мавсумда футболчи 43 та ўйинда майдонга тушиб, 17 та гол урди ва 8 та голли узатмани амалга оширди. Аргентиналикнинг «Атлетико» билан шартномаси 2030 йилгача мўлжалланган.