«Райо Вальекано» бош мураббийи Иньиго Перес Испания чемпионати доирасида «Барселона»га қарши кечган ўйин натижаси ҳақида ўз фикрларини билдирди. 29-турдан ўрин олган ушбу учрашув «кўк-анорранглилар»нинг 1:0 ҳисобидаги ғалабаси билан якунланди.
«Эҳтимол, биз дурангга лойиқ эдик. Менимча, бу адолатли натижа бўларди. Иккинчи бўлимда гол уришимиз керак эди», — деди Перес финал ҳуштагидан сўнг.
Учрашувдаги ягона ва ғалаба тўпига ҳимоячи Рональд Араухо муаллифлик қилди. У 24-дақиқада Жоау Канселу томонидан етказиб берилган узатмани голга айлантирди.
