«Rayo Valyekano» bosh murabbiyi Inigo Peres Ispaniya chempionati doirasida «Barselona»ga qarshi kechgan o‘yin natijasi haqida o‘z fikrlarini bildirdi. 29-turdan o‘rin olgan ushbu uchrashuv «ko‘k-anorranglilar»ning 1:0 hisobidagi g‘alabasi bilan yakunlandi.
«Ehtimol, biz durangga loyiq edik. Menimcha, bu adolatli natija bo‘lardi. Ikkinchi bo‘limda gol urishimiz kerak edi», — dedi Peres final hushtagidan so‘ng.
Uchrashuvdagi yagona va g‘alaba to‘piga himoyachi Ronald Arauxo mualliflik qildi. U 24-daqiqada Joau Kanselu tomonidan yetkazib berilgan uzatmani golga aylantirdi.
