Ўмон футбол ассоциацияси расман Карлуш Кейруш билан тузилган шартнома ўзаро келишув асосида бекор қилинганини маълум қилди.
Ташкилот португалиялик мутахассисга унинг фаолияти давомида қилган меҳнати учун миннатдорлик билдириб, келгуси иш фаолиятида омад тилади.
Шу билан бирга, Ўмон миллий жамоасига янги бош мураббий тайинланди. Жамоани энди марокашлик мутахассис Ториқ Сективий бошқаради. У билан шартнома имзоланган бўлиб, у миллий терма жамоани яқинлашиб келаётган мусобақаларга тайёрлайди.
Янги мураббий олдига асосий вазифа сифатида жамоани келаси расмий учрашувларда муносиб иштирок эттириш ва натижаларни яхшилаш қўйилган.













