O‘mon futbol assosiasiyasi rasman Karlush Keyrush bilan tuzilgan shartnoma o‘zaro kelishuv asosida bekor qilinganini ma’lum qildi.
Tashkilot portugaliyalik mutaxassisga uning faoliyati davomida qilgan mehnati uchun minnatdorlik bildirib, kelgusi ish faoliyatida omad tiladi.
Shu bilan birga, O‘mon milliy jamoasiga yangi bosh murabbiy tayinlandi. Jamoani endi marokashlik mutaxassis Toriq Sektiviy boshqaradi. U bilan shartnoma imzolangan bo‘lib, u milliy terma jamoani yaqinlashib kelayotgan musobaqalarga tayyorlaydi.
Yangi murabbiy oldiga asosiy vazifa sifatida jamoani kelasi rasmiy uchrashuvlarda munosib ishtirok ettirish va natijalarni yaxshilash qo‘yilgan.













