«Реал» ҳимоячиси Трент Александр-Арнольд машғулотлардан бирига кечиккани учун узр сўради. Ушбу интизомий жазо сабабли у Ла Лиганинг «Атлетико»га қарши баҳсини (3:2) захира ўриндиғида бошлаган эди.
Англиялик футболчи майдонда 64-дақиқада пайдо бўлди ва голли узатмани амалга оширди.
The Athletic нашрининг хабар беришича, Трент бош мураббий Альваро Арбелоа, жамоа сардори Дани Карвахаль ва бошқа жамоадошларидан узр сўраган. Манбалар футболчининг бу ҳаракатини «ҳақиқий жентльменга хос иш» деб таърифлашмоқда.
Жорий мавсумда Трент Ла Лигада 14 та ўйин ўтказиб, 3 та голли узатмани амалга оширди.
