«Real» himoyachisi Trent Aleksandr-Arnold mashg‘ulotlardan biriga kechikkani uchun uzr so‘radi. Ushbu intizomiy jazo sababli u La Liganing «Atletiko»ga qarshi bahsini (3:2) zaxira o‘rindig‘ida boshlagan edi.
Angliyalik futbolchi maydonda 64-daqiqada paydo bo‘ldi va golli uzatmani amalga oshirdi.
The Athletic nashrining xabar berishicha, Trent bosh murabbiy Alvaro Arbeloa, jamoa sardori Dani Karvaxal va boshqa jamoadoshlaridan uzr so‘ragan. Manbalar futbolchining bu harakatini «haqiqiy jentlmenga xos ish» deb ta’riflashmoqda.
Joriy mavsumda Trent La Ligada 14 ta o‘yin o‘tkazib, 3 ta golli uzatmani amalga oshirdi.













