Ҳужумчи Винисиус Жуниорнинг «Реал» билан шартномаси 2027 йилнинг ўрталаригача мўлжалланган. AS нашри саҳифаларида бразилиялик футболчи ҳақида мақола эълон қилинди. Унда айтилишича, Винисиус Мадрид клуби билан меҳнат шартномасини узайтиришга «ҳар қачонгидан ҳам яқинроқ» турибди.
Сўнгги вақтларда Винисиуснинг спорт формаси анча яхшиланди. Кечагина бразилиялик футболчи «Атлетико»га қарши ўйинда дубль қайд этди. «Реал» ўз майдонида кечган Мадрид дербисида 3:2 ҳисобида ғалаба қозонди. Жорий мавсумдаги 43 та ўйинда Винисиус 17 та гол урди ва жамоадошларига 12 та голли узатмани амалга оширди.
«Реал» навбатдаги учрашувини 4 апрель куни сафарда «Мальорка»га қарши ўтказади.
