Ўтган дам олиш кунлари бўлиб ўтган дербида «Реал» жамоаси «Атлетико»ни 3:2 ҳисобида мағлуб этди. Ҳужумчи Килиан Мбаппе учрашувнинг иккинчи бўлимида захирадан майдонга тушди.
The Touchline нашрининг Tiempo de Juego’га таяниб хабар беришича, Мбаппе «Реал» бош мураббийи Альваро Арбелоанинг қарорини тушунмаган. Франциялик футболчи ўйин олдидан асосий таркибга киритилмаганини билгач, шахсий суҳбатда Арбелоадан бунинг сабабини сўраган.
Эслатиб ўтамиз, Килиан Мбаппе аввалроқ тиззасидаги муаммо туфайли бир қатор ўйинларни ўтказиб юборган эди. Сафга қайтганидан сўнг, у «Манчестер Сити» ва «Атлетико»га қарши баҳсларда захирадан майдонга тушди.
Ҳозирда «Реал» Ла Лига турнир жадвалида иккинчи ўринда бормоқда.
