Бразилия терма жамоаси бош мураббийи Карло Анчелотти Францияга қарши ўртоқлик ўйинидаги (1:2) мағлубият ҳақида фикр билдирди.

«Умуман олганда, ўйиндан мамнунман. Биз курашдик, ҳаракат қилдик ва яхши ўйин намойиш этдик, айниқса стандарт вазиятларда, бу эса жуда муҳим. Биз хурсандмиз. Натижа энг муҳими эмас, аммо у нимани яхши бажарганимизни ва қаерда хатога йўл қўйганимизни кўрсатади», — дея Анчелотти сўзларини келтиради CNN Brasil.

Ҳар икки жамоа ҳам 2026 йилги жаҳон чемпионатида иштирок этади. Мусобақа АҚШ, Канада ва Мексикада бўлиб ўтади. Европа саралаш босқичи якунига кўра Франция D гуруҳида 16 очко билан биринчи ўринни эгаллаган, Бразилия эса Жанубий Америка саралаш гуруҳида 28 очко билан бешинчи ўриндан жой олган.

Ўртоқлик ўйинлари.
26 март, пайшанба
Бразилия — Франция 1:2
Голлар: 0:1 Килиан Мбаппе (32), 0:2 Уго Экитике (65), 1:2 Глейсон Бремер (78)
Четлатиш: йўқ / Дайо Упамекано (55)