Ҳужумкор ярим ҳимоячи Коул Палмер «Челси»да «дахлсиз» мақомига эга. Келаётган ёзда футболчини сотиб олишга уринадиган ҳар қандай клуб шунчаки вақтини беҳуда сарфлаган бўлади. Бу ҳақда журналист Бен Жейкобсга таяниб The Touchline нашри хабар бермоқда.
23 ёшли Коул Палмернинг «Челси» билан шартномаси 2033 йилнинг ўрталарига қадар мўлжалланган. Нуфузли Transfermarkt портали футболчини 110 миллион еврога баҳоламоқда.
2025/2026 йилги мавсумда Палмер 25 та расмий ўйинда майдонга тушиб, ўз ҳисобига 10 та гол ва 3 та голли узатмани ёздириб қўйди.
Ҳозирда «Челси» Премьер-лига турнир жадвалида олтинчи ўринни эгаллаб турибди ва Чемпионлар лигасига йўлланма ололмаслик хавфи остида қолмоқда.
