Ирландия терма жамоаси бош мураббийи Хеймир Хадльгримссон Чехияга қарши кечган ЖЧ-2026 плей-офф ярим финал баҳси якунлари бўйича ўз фикрларини билдирди. Жаҳон чемпионатига йўл олиш учун бўлган ушбу уриниш ирландияликлар учун пенальтилар сериясидаги мағлубият (3:4) билан якунланди, асосий ва қўшимча вақтларда эса дуранг (2:2) қайд этилди.
«Мен оғриқни ҳис қиляпман, лекин шу билан бирга майдонда бор кучини берган футболчиларнинг ўйини билан фахрланаман. Ўйин давомида бизни қўллаб-қувватлаган мухлисларга миннатдорчилик билдираман», — дея мутахассиснинг сўзларини келтиради УЕФА расмий сайти.
Аввалроқ ушбу мураббий Исландия терма жамоасини Жаҳон ва Европа чемпионатларига олиб чиққан, шунингдек, Ямайка билан КОНКАКАФ Олтин кубогининг ярим финалига қадар етиб борган эди. Ирландияликлар 2002 йилдан бери Жаҳон чемпионатига чиқа олишмаяпти.
31 март куни бўлиб ўтадиган ҳал қилувчи баҳсда Чехия терма жамоаси Дания билан тўқнаш келади.
