Irlandiya terma jamoasi bosh murabbiyi Xeymir Xadlgrimsson Chexiyaga qarshi kechgan JCH-2026 pley-off yarim final bahsi yakunlari bo‘yicha o‘z fikrlarini bildirdi. Jahon chempionatiga yo‘l olish uchun bo‘lgan ushbu urinish irlandiyaliklar uchun penaltilar seriyasidagi mag‘lubiyat (3:4) bilan yakunlandi, asosiy va qo‘shimcha vaqtlarda esa durang (2:2) qayd etildi.
«Men og‘riqni his qilyapman, lekin shu bilan birga maydonda bor kuchini bergan futbolchilarning o‘yini bilan faxrlanaman. O‘yin davomida bizni qo‘llab-quvvatlagan muxlislarga minnatdorchilik bildiraman», — deya mutaxassisning so‘zlarini keltiradi UEFA rasmiy sayti.
Avvalroq ushbu murabbiy Islandiya terma jamoasini Jahon va Yevropa chempionatlariga olib chiqqan, shuningdek, Yamayka bilan KONKAKAF Oltin kubogining yarim finaliga qadar yetib borgan edi. Irlandiyaliklar 2002 yildan beri Jahon chempionatiga chiqa olishmayapti.
31 mart kuni bo‘lib o‘tadigan hal qiluvchi bahsda Chexiya terma jamoasi Daniya bilan to‘qnash keladi.
