«Барселона» ярим ҳимоячиси Дани Ольмо клуб президенти Жоан Лапорта ҳақида ўз фикрлари билан ўртоқлашди.

«Жоан Лапорта президент бўлишдан аввал ҳам «Барселона»нинг ашаддий мухлиси бўлгани кўриниб туради. У бизга жуда яқин ва муҳтож бўлганимизда доимо мулоқот учун очиқ. Унинг «Барселона»га бўлган иштиёқи нақадар кучли эканини сезиш қийин эмас. Унда доимий равишда ғалабага бўлган интилиш бор. Биз учун у жуда муҳим шахс ва унинг клубда қолишидан барчамиз хурсандмиз, чунки у кийиниш хонасида бизни катта миқёсда қўллаб-қувватлайди», — дея Ольмонинг сўзларини келтиради BarçaTimes.

Эслатиб ўтамиз, март ойи ўрталарида Лапорта «Барселона»даги президентлик сайловларида ғолиб чиқди ва ўз лавозимини сақлаб қолди.

Ольмо жорий мавсумда барча мусобақаларда 38 та ўйинда майдонга тушиб, 8 та гол урди ва 7 та голли узатма муаллифига айланди.