Нидерландия ва Норвегия терма жамоалари ўртасида ўртоқлик учрашуви бўлиб ўтди. Амстердам шаҳридаги «Йохан Кройфф Арена» стадионида ўтган баҳсни бельгиялик ҳакам Лоуренс Виссер бошқарди. Учрашув мезбонларнинг 2:1 ҳисобидаги ғалабаси билан якунланди.

Биринчи бўлим ўрталарида меҳмонлар ҳужумчиси Андреас Шельдеруп ҳисобни очди. 35-дақиқада Нидерландия ҳимоячиси Виржил ван Дейк мувозанатни тиклади. 51-дақиқада эса ярим ҳимоячи Тейани Рейндерс Нидерландияни олдинга олиб чиқди.

Ҳар икки жамоа ҳам 2026 йилда АҚШ, Канада ва Мексикада бўлиб ўтадиган жаҳон чемпионатида иштирок этади. Нидерландия терма жамоаси F гуруҳида Япония, Тунис ва Европа саралашининг B йўли ғолиби билан ўйнайди. Норвегия эса "I" гуруҳида Франция, Сенегал ва қитъалараро плей-оффнинг 2-йўли ғолиби билан баҳс олиб боради.

Ўртоқлик учрашуви
27 март 2026 йил, жума.
Нидерландия — Норвегия - 2:1
Голлар: 0:1 — Шельдеруп (24), 1:1 — ван Дейк (35), 2:1 — Рейндерс (51)