Мадриднинг «Реал» клуби қанот ҳужумчиси Винисиус Жуниор «қаймоқранглилар»нинг март ойидаги энг яхши футболчиси совринини қўлга киритди. Тегишли маълумот Испания жамоасининг расмий сайтида эълон қилинди.
Бразилиялик вингер овоз бериш жараёнида бошқа номзодлар — ҳимоячилар Дин Хёйсен ва Антонио Рюдигер, шунингдек, ярим ҳимоячилар Федерико Вальверде ҳамда Орельен Тчуаменини ортда қолдирди.
Жорий ойда Винисиус олтита учрашувда майдонга тушиб, тўртта гол ва иккита голли узатмани ўз ҳисобига ёздириб қўйди.
Мадриднинг «Реал» клуби Испания чемпионати турнир жадвалида иккинчи ўринни эгаллаб турибди ва пешқадам «Барселона»дан тўрт очкога ортда қолмоқда.
