Мадриднинг «Реал» клуби Испания терма жамоаси ва «Манчестер Сити» таянч ярим ҳимоячиси Родри Эрнандесни сотиб олиш фикридан воз кечди, деб хабар бермоқда Sport.es журналистлари.
Манбанинг қайд этишича, «қироллик клуби» раҳбарлари 29 ёшли футболчини унинг ёши ва 65 миллион евро миқдоридаги трансфер нархи сабабли сотиб олишмайди. «Қаймоқранглилар» муқобил вариант сифатида «ПСЖ» шарафини ҳимоя қилаётган португалиялик Витиньяни кўриб чиқишмоқда.
Родри «Олтин тўп» соҳиби ҳисобланади. Испаниялик ярим ҳимоячи 2019 йилнинг ёзидан буён «Манчестер Сити»да ўйнаб келмоқда. Томонлар ўртасидаги амалдаги меҳнат шартномаси 2027 йил июнь ойи охирида якунига етади.
