Италия футболи афсонаси ва собиқ ҳимоячиси Алессандро Неста «Интер» ҳамда «Ювентус» ўртасидаги баҳсда юз берган воқеадан сўнг танқидлар остида қолган Алессандро Бастонини қўллаб-қувватлади.
«Нерадзуррилар» футболчиси ўша вазиятда йиқилишни бўрттириб кўрсатиб, Пьер Калюлюнинг майдондан четлатилишига сабаб бўлган эди. Кристиан Киву шогирдлари эса кўпчилик бўлиб қолгач, 3:2 ҳисобидаги ғалабани илиб кетишганди. Февраль ойи ўрталарида бўлиб ўтган ушбу ўйиндаги ҳаракати учун кўпчилик ҳалигача Бастонини кечира олмаяпти.
«Ҳамма Бастонини симуляция ишлатгани учун танқид қилмоқда, мен эса уни қўллаб-қувватламоқчиман. Ҳаммамиз симуляция қилганмиз — ҳатто мен ҳам! Ҳа, мен ташқаридан жуда ҳалол ўйинчи бўлиб кўрингандирман, лекин ўз вақтида бир неча бор симуляция ишлатганман. Шунинг учун Бастонини бу иши учун айбламоқчи эмасман», — деди Неста Sky Sport билан суҳбатда.
Эслатиб ўтамиз, сешанба куни Италия терма жамоаси ЖЧ-2026 йўлланмаси учун ўтиш ўйинлари финалида Босния ва Герцеговинага қарши майдонга тушади.
