Мадриднинг «Атлетико» клуби вингери, испаниялик Алекс Баэна 2023/2024 йилги мавсумдан бошлаб ҳисоблаганда Ла Лигада голли вазиятлар яратиш бўйича пешқадамга айлангани маълум бўлди.

Қайд этилишича, футболчи шу вақтга қадар ўтказилган 86 та учрашувда ўз жамоадошлари учун жами 213 та хавфли вазият яратишга муваффақ бўлган. Бу борада испаниялик футболчининг энг яқин таъқибчиси «Барселона»нинг бразилиялик аъзоси Рафинья бўлиб турибди — у 84 та ўйинда 171 та вазият яратган.

Эслатиб ўтамиз, Алекс Баэна ўтган ёзда «Вильярреал» клубини тарк этиб, мадридликлар сафига келиб қўшилган эди. Жорий мавсумда вингер 34 та ўйинда майдонга тушиб, 2 та гол урди ва 2 та голли узатмани амалга оширди.