Қирғизистон ва Мадагаскар терма жамоалари ўртасида ўртоқлик баҳси бўлиб ўтди. Туркиянинг Белек шаҳридаги «Калиста спорт марказий» стадионида ўтган учрашув африкаликларнинг 5:2 ҳисобидаги ғалабаси билан якунланди.

Учрашувда ҳисобни 5-дақиқада Мадагаскар ҳужумчиси Арно Рандианантенаина очди. 17-дақиқада африкаликлар устунликни оширди, 24-дақиқада эса Уоррен Кадди ҳисобни йирик кўринишга олиб келди. 42-дақиқада Клеман Кутюрье тўртинчи голни киритди.

Иккинчи бўлимда Қирғизистон терма жамоаси жавоб қайтаришга уринди. 58-дақиқада Бекназ Алмазбеков пенальтини аниқ амалга ошириб, ҳисобни қисқартирди. 62-дақиқада яна бир гол киритилди. Бироқ 79-дақиқада Уоррен Кадди дубль расмийлаштириб, ўйинга нуқта қўйди — 5:2.

Ўртоқлик учрашуви
28 март 2026 йил, шанба.
Қирғизистон — Мадагаскар - 2:5
Голлар: 0:1 — Рандианантенаина (5), 0:2 (17), 0:3 — Кадди (24), 0:4 — Кутюрье (42), 1:4 — Алмазбеков (58), 2:4 (62), 2:5 — Кадди (79)