«Олтин тўп» мукофоти футбол мухлислари ўртасида тез-тез баҳс-мунозараларга сабаб бўлади. Айниқса, фаворит ҳисобланмаган футболчи ушбу совринни қўлга киритган йилларда баҳслар янада қизийди.
The Touchline нашрининг хабар беришича, 2026 йилда «Олтин тўп» қоидаларига бироз ўзгартириш киритилади. Эндиликда овоз бериш иштирокчиларига футболчиларнинг катта ўйинлардаги иштирокига алоҳида эътибор қаратиш тавсия этилади.
Ўтган йили (2025) «Олтин тўп» совринини «ПСЖ» аъзоси Усмон Дембеле қўлга киритган эди. Ўшанда Ламин Ямаль, Рафинья ва Витинья ҳам совринга асосий даъвогарлар қаторида тилга олинганди.
Маълумот учун, «Олтин тўп»ни энг кўп қўлга киритган футболчи Лионель Месси ҳисобланади (8 та).
