Франция терма жамоаси ва «Реал Мадрид» ҳужумчиси Килиан Мбаппе келаси ёзда жаҳон чемпионатлари тарихидаги энг яхши тўпурарга айланиши мумкинлиги ҳақида фикр билдирди.

Айни пайтда 27 ёшли форвард жаҳон чемпионатларида 12 та гол урган. Рекорд эса Германия терма жамоасининг собиқ ҳужумчиси Мирослав Клозега тегишли бўлиб, у 16 та гол муаллифи ҳисобланади.

«Менга тарихдаги энг яхши тўпурар бўлиш учун атиги тўртта гол керакми? Бу ҳақда ўйлашнинг ўзи ҳам жуда ажойиб.

Мен учун жаҳон чемпионати — энг катта мусобақа, барча даврларнинг энг буюк футболчилари беллашадиган майдон. Менга шундай турнирда энг яхши тўпурарга айланишим мумкинлигини айтишса, бунга ишониш қийин.

Мен фақат реал нарсалар ҳақида ўйлайман: жамоамга ғалаба қозонишга ёрдам бериш ва яна финалга чиқиш», — деди Килиан Мбаппе.