Англия терма жамоаси бош мураббийи Томас Тухель ҳужумчи Маркус Рэшфорднинг ўйини ҳақида ўз фикрлари билан ўртоқлашди.

«Маркус Рэшфорд айни дамда ўз фаолиятининг чўққисида (праймда) турибди. «Барселона»га ўтганидан бери у бутунлай бошқа футболчига айланди. Уругвайга қарши баҳсда у майдондаги энг яхши ўйинчи бўлди. «Барселона» уни олиб қолмоқчи эмаслигининг ягона сабаби — уларнинг молиявий имкониятлари бунга йўл қўймаслигида бўлса керак», — деди Тухель.

Уругвайга қарши кечган ўртоқлик учрашувида (1:1) Рэшфорд асосий таркибда майдонга тушди ва 69 дақиқа ҳаракат қилди. Англияликлар навбатдаги назорат ўйинини бугун, 31 март куни Япония терма жамоасига қарши ўтказишади.