"Реал" клуби "Челси" ярим ҳимоячиси Энцо Фернандеснинг трансферига қизиқиш билдирмоқда.
Журналист Альваро Варитонинг маълумотларига кўра, Мадрид клубида аргентиналик футболчининг келишига қарши чиқаётган ўйинчи мавжуд. Унинг исми очиқланмаган, бироқ бу футболчи франциялик эмаслиги алоҳида таъкидланган.
Энцо лондонликлар сафидаги келажаги борасида Жаҳон чемпионати якунланганидан сўнг бир қарорга келади.
Эслатиб ўтамиз, Энцо Фернандес 2023 йилда "Бенфика"дан "Челси"га 121 миллион евро эвазига ўтган эди. Унинг Лондон клуби билан шартномаси 2032 йил 30 июнгача мўлжалланган.
Жорий мавсумда ярим ҳимоячи "кўклар" сафида барча мусобақаларда 46 та ўйинда майдонга тушиб, 12 та гол урди ва 6 та голли узатмани амалга оширди.
