Бугун, 31 март куни Норвегия ва Швейцария терма жамоалари ўртасидаги ўртоқлик учрашуви бўлиб ўтди. Осло шаҳридаги «Уллевол» стадионида ўтказилган баҳсда ҳисоб очилмади — 0:0.
Учрашув давомида ҳар икки жамоа ҳам гол уриш учун имкониятларга эга бўлди, аммо якунда дарвозалар дахлсиз сақланиб қолди.
Маълумот учун, ушбу жамоалар охирги бор 2014 йилги Жаҳон чемпионати саралашида ўзаро тўқнаш келган. Биринчи ўйин 1:1 ҳисобида якунланган бўлса, иккинчи баҳсда Швейцария ғалаба қозонган.
Аввалги ўртоқлик ўйинларида Норвегия Нидерландияга (1:2), Швейцария эса Германияга (3:4) мағлуб бўлганди.
Норвегия ўзининг кейинги ўртоқлик учрашувини 1 июнь куни Швецияга қарши, яна Осло шаҳрида ўтказади.













