Италиялик афсонавий собиқ футболчи Алессандро дель Пьеро Италия терма жамоасининг навбатдаги бор жаҳон чемпионатидан четда қолганига муносабат билдирди.
«Скуадра Адзурра» кетма-кет учинчи бор мундиални ўтказиб юборадиган бўлди. ЖЧ-2026 йўлланмаси учун кечган ҳал қилувчи баҳсда Женнаро Гаттузо шогирдлари пенальтилар сериясида Босния ва Герцеговина терма жамоасига имкониятни бой беришди.
«Италия ҳозирда жаҳон футболининг масхарасига айланиб қолди. Кетма-кет учта жаҳон чемпионатини ўтказиб юбориш фактини қабул қилиш жуда қийин. Қандай қилиб бундай буюк футбол давлатининг бутун бир авлоди жаҳон чемпионатисиз қолиши мумкин? Италия — тўрт карра чемпион, аммо мундиалларда гол урмаётганига мана 20 йил бўлди. Илгари бизда жаҳон даражасидаги футболчилар бўларди, ҳозирги ўртача савия эса анча паст», — дея «Ювентус» афсонасининг сўзларини келтирмоқда Италия ОАВлари.
Маълумот учун, Алессандро дель Пьеро 2006 йилда Италия терма жамоаси таркибида жаҳон чемпиони бўлган.
