Машҳур мураббий Фабио Капелло Италия терма жамоасининг муваффақиятсизлиги ҳақида гапирди — жамоа Босния ва Герцеговинага имкониятни бой бериб, жаҳон чемпионатига чиқа олмади. Италияликлар кетма-кет учинчи мундиални ўтказиб юборишади.
Капеллонинг фикрича, Италия футбол федерацияси ушбу мағлубият учун жавобгарликни ўз зиммасига олиши керак.
«Ҳеч ким истеъфога чиқмаяпти — энг ташвишлиси ҳам шунда. Биринчи бўлиб федерация президенти ва унинг раҳбарияти масъулиятни ўз зиммасига олиши лозим», — дея Капеллонинг сўзларини келтирмоқда Marca нашри.
Эслатиб ўтамиз, Италия терма жамоаси ЖЧ-2026 йўлланмаси учун кечган баҳсда 1:1 ҳисобидаги дурангдан сўнг, пенальтилар сериясида Босния ва Герцеговинага мағлуб бўлди.
