«Эвертон» футболчиси Илиман Ндиайе «Манчестер Юнайтед»га ўтишга қизиқиш билдирмоқда. «Қизил иблислар» 26 ёшли вингернинг ютуқларини кузатиб боришмоқда ва мавсумлар оралиғида уни сотиб олиш имкониятини кўриб чиқишмоқда.

UtdDistrict хабарига кўра, сенегаллик футболчи «МЮ»ни ўз орзусидаги клуб деб ҳисоблайди ва имконият туғилиши билан трансферни амалга оширишга тайёр. Шунга қарамай, манбанинг аниқлик киритишича, айни дамда манкунианликлар раҳбарияти эътиборни ярим ҳимоя чизиғини кучайтиришга қаратган.

Transfermarkt экспертлари Илиман Ндиайенинг бозор қийматини 50 миллион еврога баҳоламоқда. Премьер-лиганинг жорий мавсумида футболчи «ирислар» сафида 25 та ўйинда майдонга тушиб, 6 та гол ва 3 та голли узатмани ўз ҳисобига ёзиб қўйди.