"Реал" ярим ҳимоячиси Федерико Вальверде ҳозирда Бразилия терма жамоасини бошқараётган мадридликларнинг собиқ устози Карло Анчелотти ҳақида тўлқинланиб гапирди.
"Анчелотти менга футболчи сифатида ўсишимга ёрдам берди, у футбол оламида порлашимга ва ўзимга ишонишимга сабабчи бўлди. Мен уни ўз оиламнинг бир аъзоси деб биламан ва уни жуда яхши кўраман. Умид қиламанки, қачондир биз яна учрашамиз. Мен бирга ишлаган барча мураббийлар ичида Анчелотти энг кўп қиррали ва универсал мутахассисдир", — дея Вальверденинг сўзларини келтиради Madrid Extra.
Карло Анчелотти "Реал"ни 2013-2015 йилларда ҳамда 2021-2025 йиллар давомида бошқарган. Унинг қўл остида "қаймоқранглилар" жами 15 та соврин, жумладан, учта Чемпионлар Лигаси кубогини қўлга киритишган.













