Вингер Ламин Ямал «Барселона»да алоҳида мақомга эга бўлиб бормоқда. El Nacional нашрининг хабар беришича, Ямал Лионель Мессидан нафақат 10-рақамни, балки клубнинг спортга оид қарорларига таъсир ўтказиш қобилиятини ҳам мерос қилиб олган.
Манбага кўра, Ямал клуб спорт директори Деку ва президент Жоан Лапортага ҳимоячи Алехандро Бальденинг жамоадан кетишини истамаслигини маълум қилган. «Барселона» Бальдени сотиш имкониятларини кўриб чиқаётган эди, бироқ Ямалнинг сўзлари вазиятни ўзгартириши кутилмоқда.
Таъкидланишича, ўз вақтида Месси ҳам «Барселона»даги бир нечта яқин дўстларини трансфердан сақлаб қолган эди. Ямал ўз кумирининг йўлидан бориб, Бальдени ҳимоя қилди.
