«Ливерпуль» устози Арне Слот келаси мавсум учун таркибни режалаштиришда иштирок этаётгани ҳақидаги саволга жавоб берди.
Нидерландиялик мутахассиснинг келажаги ноаниқ бўлиб қолмоқда: тарқалган кўплаб миш-мишларга кўра, клуб мавсум якунида у билан хайрлашиши мумкин.
«Ҳа, мен бу жараёнда [ёзги трансферларни режалаштиришда] иштирок этяпман. Ва нима учун бу саволни бераётганингизни ҳам тушуниб турибман», — деди Слот матбуот анжуманида.
Ҳозирда ушбу лавозимга асосий номзод сифатида Хаби Алонсо кўрилмоқда. Испаниялик мутахассис январь ойида Мадриднинг «Реал» клубидан истеъфога чиқарилганидан бери ишсиз юрибди. Эслатиб ўтамиз, Арне Слотнинг амалдаги шартномаси 2027 йил ўрталаригача мўлжалланган бўлиб, у 2024 йил ёзидан бери жамоани бошқариб келмоқда.
